25 iyun “Dənizçi Günü”dür.

Tarix:24-06-2022, 16:54 Baxış Sayı:180 Kateqoriya:gundem / cemiyyet

25 iyun  “Dənizçi Günü”dür.

Hörmətli həmkarlar!
Sizi möhtərəm Prezidentimiz cənab İlham Əliyevin 19 iyun 2014-cü il tarixli Sərəncamı ilə təsis edilən və bütün dəniz nəqliyyatı işçilərinə ərməğanı olan peşə bayramı münasibətilə səmimi-qəlbdən təbrik edir, sizə uzun ömür, möhkəm cansağlığı, müstəqil Azərbaycanımızın tərəqqisi naminə çətin və şərəfli fəaliyyətinizdə yeni-yeni nailiyyətlər arzulayıram.
Bu dəfə peşə bayramını xüsusi bir ovqatla – müdrik dövlət başçımızın böyük sərkərdəlik məharəti və yenilməz Ordumuzun rəşadəti sayəsində Qalib ölkənin dənizçiləri kimi qarşılayırıq.
Azad edilmiş rayonlarda erməni işğalçılarının törətdikləri vəhşilikləri görərkən bir daha əmin olursan ki, tarixi Zəfəri ilə rəşadətli Azərbaycan Ordusu təkcə Qarabağı deyil, bütün regionu erməni faşizmi təhlükəsindən birdəfəlik xilas edib. Sevinirik ki, Qələbənin qazanılmasında təbiət etibarı ilə qorxmaz, cəsur dənizçilərin də xüsusi payı oldu. Bir çox dənizçilərimiz Vətən müharibəsinin ilk günündən könüllü surətdə əllərinə silah alaraq Zəfər yürüşündə yaxından iştirak etdilər. Kimi qanı, kimi canı ilə Qələbəyə gedən yolu qısaltdı. Vətənimizin bütövlüyü uğrunda canlarından keçən şəhidlərimizə bir daha Uca Yaradandan rəhmət diləyir, valideynləri qarşısında baş əyir, qazilərimizə şəfa diləyirik.
ASCO-da ən yaxşı ənənələrdən biri peşə bayramını sanballı əmək nailiyyətləri ilə qarşılamaqdır. Pandemiyanın yaratdığı çətinliklərə baxmayaraq, çoxminli kollektivimiz bu dəfə də peşə bayramını əliboş qarşılamır. Yükdaşımaların həcminin artırılması, ASCO-nun Xəzərdə aparıcı mövqeyinin qorunub saxlanılması, donanmalarımızın gəmiqayırmanın son nailiyyətləri əsasında inşa olunmuş gəmilərlə gücləndirilməsi, dənizçilərin sosial-məişət şəraitinin yaxşılaşdırılması istiqamətində atılan bir çox mühüm addımlar həm də peşə bayramına töhfəmiz sayıla bilər.
Beynəlxalq standartlara uyğun fəaliyyət göstərən ASCO-da donanmaların yenilənməsi dövlət başçımızın diqqət və qayğısı, Gəmiçiliyin Strateji İnkişaf Planına uyğun və yerli gəmiqayırmanın imkanlarına üstünlük verilməklə həyata keçirilir. Qeyd etmək xoşdur ki, “Azərbaycan Xəzər Dəniz Gəmiçiliyi” QSC yaradıldığı vaxtdan dənizçilərimizin istifadəsinə müxtəlif tipli yeni gəmilər verilib. Yaxın-uzaq sularda müvəffəqiyyətlə istismar edilən və bütün parametrlərinə görə sələflərini xeyli üstələyən bu gəmilərdə dənizçilərimiz özlərini daha inamlı hiss edirlər ki, bu da ən çətin səfərlərin belə uğurla başa çatdırılmasında mühüm rol oynayır.
Cari il martın 1-də möhtərəm Prezidentimiz İlham Əliyevin və birinci xanım Mehriban Əliyevanın Bakı gəmiqayırma zavodunda “Ro-Pax” tipli “Akademik Zərifə Əliyeva” gəmi-bərəsinin suya salınması və eyni təyinatlı “Azərbaycan” gəmi-bərəsinin istismara verilməsi mərasimlərində, dünyada ilk dəfə məhz Bakıda yaradılan “Suraxanı” tanker-muzeyin, həmçinin “Azərbaycan Xəzər Dəniz Gəmiçiliyi” Qapalı Səhmdar Cəmiyyəti üçün inşa olunan yeni inzibati binanın açılışında iştirak etmələri bizə sonsuz sevinc bəxş etdi.
Hazırda Bakı Gəmiqayırma Zavodunda ASCO-nun sifarişi ilə “Akademik Zərifə Əliyeva” adlı RoPax tipli gəmi-bərənin ikinci mərhələsinin tikintisi, eləcə də üç ədəd RST12C tipli yeni nəsil tankerin inşası davam etdirilir.
Hörmətli dənizçilər!
Əminəm ki, gündən-günə çiçəklənən müstəqil Azərbaycanı qətiyyətlə daha xoşbəxt gələcəyə aparan dövlət başçımızın hər sahədə mütərəqqi siyasətini dəstəklədiyinizi bundan sonra da əməli işinizlə sübut edəcək, müqəddəs üçrəngli bayrağımızı yaxın-uzaq ölkələrin sularında böyük iftixarla dalğalandıracaq, yük daşınmasında, Xəzərdə neft və qaz istehsalında yüksək dəniz nəqliyyatı xidmətləri göstərilməsində çiyninizə düşən bütün vəzifələri layiqincə yerinə yetirəcəksiniz.
Sizə aydın səma, uğurlu səfərlər arzulayıram.
Bayramınız mübarək olsun!
Rauf Vəliyev,
“Azərbaycan Xəzər Dəniz Gəmiçiliyi”
Qapalı Səhmdar Cəmiyyətinin sədri

SON XƏBƏRLƏR
Daha bir «tender çempionu» tapıldı: - «Xəzər İnşaat KO» MMC hansı tenderləri udur?
“Siyahıda olmayan sənəd tələb edildi deyə, transfer hüququm məhdudlaşdı” - GİLEY
Coğrafiya İnstitutu Kəlbəcərdə baş vermiş təbiət hadisəsinə aydınlıq gətirib
Azay Quliyevlə bağlı SENSASİON FAKTLAR - Bir milyon manatlıq MAXİNASİYA
Kilosu 4 manata olan kolbasalar... - AQTA buna niyə göz yumur?
Zabuxdakı ermənilərdən yeni hoqqa: `Kənd alternativ dəhlizə salınsın!..` - BU NƏDİ BELƏ?
Həbs edilən `Broker Əbülfəs"in həyat yoldaşı ERMƏNİDİRMİ? - İddia var, inkar yoxdur...
"Mehdinin nökərləri" İrana müxalifdirsə... - GƏLİŞMƏ
Məktəbəhazırlıq qrupları üçün məktəb seçimi başlayır - Diqqət!
Anzovun qəhrəman oğulları
Şuşada Bülbülün ev muzeyinin həyətində Diaspor Gənclərinin III Yay Düşərgəsinin iştirakçıları ilə görüşən mədəniyyət və incəsənət xadimləri təəssüratlarını bölüşüblər.
"Ukraynadakı müharibədə 75 min Rusiya vətəndaşı ölüb və yaralanıb" - Konqresmen
Nazirin etiraz yaradan çıxışı: İstirahətsiz məktəb - BU NƏDİ BELƏ?
"Necə söz təxribatları olurdusa onu bir Allah bilir, bir də mən özüm"
"Moskva ilə yanaşı, İranın da Azərbaycanda təsir dairəsi var" - Etibar Məmmədov
Qarabağda Azərbaycandan başqa kimsənin bayrağı DALĞALANA BİLMƏZ - HEÇ RUSLARIN DA...
“Qarabağ ərazisində silahlı ermənilərin olması təxribat mənbəyidir” - Korotçenko
"Azərbaycan Ordusu təxribatın qarşısını alıb" - Prezident İlham Əliyev
"Arayış veriblər ki, guya camaatın bütün pulları ödənilib..." - Aldanmış əmanətçilər...
“ASCO Logistics” MMC-nin direktoru vəzifəsindən azad edilib - ƏMR
Laçın dəhlizində əməliyyat gedir? - MN rəsmisindən AÇIQLAMA
Azərbaycanda daha 512 nəfər COVID-19-a yoluxub, vəfat edən yoxdur
Goranboyda iki dəfə qaçırılan 17 yaşlı qızın valideynləri danışdı: - “Geri qayıtmaq istəmir”
Okeanın o tayından ifraz olunan təhlükəli QARABAĞ SSENARİSİ - Ağ Evin QARA FİKİRLƏRİ...
 Ermənistan itkin düşən hərbçimizi təhvil verdi - TƏFƏRRÜAT
“Azərbaycan öz ərazisində antiterror əməliyyatları keçirəcək” - Başqa yolu YOXDUR!
İranın Cənubi Qafqaz PLANI... - Ekspert danışır
"Əksər partiyaların üzvləri işsizdir"
Ucarda yabanı halda bitmiş çətənə bitkiləri məhv edildi
Azərbaycanda yeni BOKT yaradılıb