Bakıda bomj ona köməklik edən kişinin arvadını zorladı - İSTİNTAQ MATERİALLARI

Tarix:10-09-2021, 23:55 Baxış Sayı:57 Kateqoriya:gundem / cemiyyet

Bakıda bomj ona köməklik edən kişinin arvadını zorladı - İSTİNTAQ MATERİALLARI

İnsan təbiəti fərdlərə görə dəyişir, hərənin bir xarakteri və temperamenti var, bu, davranışların sərgilənməsində də özünü göstərir.

Ancaq yaxşılığın qarşılığında qeyri-adekvat davranışlara dair xeyli ifadələr var, bu, insanların ümumi xarakterinin göstəricisidir.

Yaxşılığa yamanlıq edənlərə dair “insan çiy süd əmib”, “çörəyi dizinin üstündədir” deyimləri mövcuddur, bu, bəzi adamlar üçün necə də keçərli bir ifadədir.

Nankorluq bəlkə də instinktivdir, bəlkə də xəstəlikdir, amma bu, başqasına qarşı qırmızı sərhədlərin aşmasına gətirib çıxaranda nəticə faciəli olur.

Bakı Ağır Cinayətlər Məhkəməsinin hökmü ilə azadlıqdan məhrum edilən K.C. da etdikləri yaxşılıqların qarşılığında dəhşətli mənzərə ilə üzləşənlərdəndir.

K.C. nəticədə cinayət aktına imza atır, axı o, yardım etdiyi insanın elə hərəkətini görmüşdü ki...

K.C.-nın yardım əlini uzatdığı şəxs onun arvadının psixi vəziyyətindən istifadə edərək həmin qadınla cinsi əlaqədə olub.

Məsələnin başlanğıc nöqtəsi K.C.-nın xeyirxah və humanist təşəbbüslərinə gedib çıxır, bəlkə də son mənzərəni görəndə bir anlıq K.C. “kaş onu özümə yaxın buraxmazdım” deyib.

K.C. 2020-ci ilin yanvar ayında azadlığa çıxan, tüfeyli həyat tərzi keçirən Vüsal (şərtidir) adlı biri ilə tanış olur, daim ona köməklik edir.

Uzatdığı yardım əli elə bir səviyyəyə çatır ki, K.C. Vüsalın evində dəfələrlə olur, ona siqaret alıb verir, bir sözlə, Vüsalı yedirib-içirir.

K.C.-nın həyat yoldaşı psixoloji xəstəlikdən əziyyət çəkir, yaddaşını itirib, buna səbəb isə övladlarından birinin 2011-ci ildə leykoz xəstəliyindən vəfat etməsidir. K.C.-nın övladı dünyasını dəyişdikdən sonra onun xanımı gördüyü insanları övladlarının adı ilə çağırırmış.

K.C. 2020-ci ilin 13 martında evə gələrkən Vüsalın həyat yoldaşı ilə cinsi əlaqədə olduğunu görür, həmin vaxt ani şok vəziyyəti yaşayır. Vüsalın üzərinə atılır və əlbəyaxa olur.

Ona əli ilə, ayağı ilə zərbələr vurur. Sonradan ifadəsində qeyd edir ki, şok yaşadığından Vüsalla əlbəyaxa olan zaman onu neçə dəfə və necə vurduğunu xatırlamır.

Şokdan ayılanda isə pəncərənin altında yerdə oturmuş vəziyyətdə olduğunu dərk edir və Vüsalın aradan çıxa bildiyini də anlayır.

K.C. özünə gələndən sonra Vüsalın evinə gedir, onu anası qarşılayır, deyir ki, oğlu evdə deyil. K.C. isə hadisəni Vüsalın anasına danışır.

Həmin vaxt Vüsalın anası əli ilə dizinə, başına vuraraq oğlunu söyür, sonra K.C.-ya yalvarır ki, bu barədə polisə deməsin, çünki Vüsal cəzaçəkmə müəssisəsindən təzə çıxıb, onun yenidən “türmə”yə qayıtmasını istəmir.

O, Vüsalın anasına polisə deməyəcəyini bildirir, qarşılığında onun da barəsində polisə məlumat verməmələrini xahiş edir, axı K.C. Vüsalı ölümcül döymüşdü.

Vəziyyət sakitləşəndən sonra anası Vüsalın yarıçılpaq vəziyyətdə uzadıldığını, sinə və qarın nahiyəsində K.C.-nın vurduğu zərbələrin təsirindən yaranan iki xəsarətin olduğunu görür.

Həmçinin Vüsalın baş nahiyəsində də xəsarətlər olduğunu müşahidə edir. Yaralı xəstəxanaya aparılır, həkim ondan nə olduğunu soruşur, lakin bu barədə heç nə deyən olmur.

Hadisənin səhəri gün, yəni 2020-ci ilin martın 14-də K.C. həyat yoldaşını götürüb Masazır qəsəbəsində yaşayan oğlunun yanına aparır və heç kimə bir kəlmə də demir. Həmin gün oğlanlarını evinə çağırır və hər ikisinə hadisə barədə danışır.

K.C. nəhayətdə istintaqdan yayına bilmir və hadisəni onun törətdiyi polisə məlum olmur.

Təqsirləndirilən şəxs ifadəsində göstərir ki, Vüsala əli və ayağı ilə zərbələr vurduqdan sonra əlinə keçən, dəqiq xatırlamadığı bıçaq və ya burğac, yaxud digər ucu iti alətlə onun bədəninin müxtəlif nahiyələrinə vurub.

İstintaq materiallarına əsasən, Vüsal qonşusu Faiqdən K.C.-nın həyat yoldaşı barədə soruşubmuş, səbəb isə bu idi ki, bir dəfə Vüsal K.C.-nın həyat yoldaşına salam versə də, o, baxıb və heç bir cavab verməyib. İstintaq müəyyən edib ki, Vüsal K.C.-nın həyat yoldaşının xəstəliyi barədə məlumatlı olub.

Nəhayət, Vüsal aldığı ağır xəsarətlərdən 2020-ci ilin martın 17-də ölür.

Ekspertiza isə müəyyən edir ki, K.C. əslində cinayət törədən zaman hərəkət və emosiyalarını idarə etmək qabiliyyətində olub.

Bu ilin avqustun 25-də Bakı Ağır Cinayətlər Məhkəməsinin hökmü ilə K.C. Cinayət Məcəlləsinin 126.1-ci maddəsi ilə (Qəsdən sağlamlığa ağır zərər vurma) K.C. 5 il müddətinə azadlıqdan məhrum edilib... //oxu.az//

SON XƏBƏRLƏR
Zəlimxan Yaqubun prokuror oğlu “Bu yaşıl ağacın altı bizimdir” mahnısından danışdı - "...bəstəkarlarla işləyən şair deyildi"
"Yüksək vəzifəli məmurlar öz işlərini görsə, pandemiyadan tez çıxarıq" - deputat
Sakinlər "Sahil-S İnşaat” MTK-nın rəhbərini vergidən yayınmaqda ittiham edir - NARAZILIQ!
Peyvəndin alternativi niyə bu qədər maraq doğurur? - “Radikal qruplar xüsusi adamlar tuturlar ki…”
Qəzalı yataqxana sakinləri: - “Hər gün təhlükədəyik”
Ermənistanın indiki rəhbəri sələfləri kimi “ikili” oyun oynayır... - FAKT BUDUR!
“Azərbaycan artıq şirin quyruğunu kəsib” - HƏQİQƏTƏN DƏ...
“Doing Business”adı altında saxtakarlıq: niyə hədəfdə Azərbaycan olub? - HƏQİQƏTƏN DƏ...
Gəncə İnzibati Məhkəməsi hərbçi Rasim Cəfərovla bağlı hansı - QƏRARI VERƏCƏK?
“30 il ərzində erməni lobbisinin fəaliyyəti nəticə verməyibsə, indiki vəziyyətdə...” - NƏ BAŞ VERİR?
"Azərpoçt"da yeni şöbə yaradılıb, mudir təyin olunub - Dəyişiklik
Moskva Krım məsələsində Ankaradan güzəşt gözləyirdi - ekspert
Şirvanın icra başçısı növbəti dəfə Vətən müharibəsi şəhidlərinin ailələrini ziyarət edib
"Brent" neftinin qiyməti 75 dolları ötüb
Şəhid ailəsi Şəkidə üzləşdiyi problemlə bağlı Prezidentdən hələ də kömək istəyir – Bəs İcra başçısı hara baxır?
Paşinyan 7 milyon dollara "Peqas" gizli telefon dinləmə sistemi aldı... - Ermənistan KİV
Amilinin ardından indi də sapı özümüzdən olan deputat ÜSTÜMÜZƏ HÜRDÜ - NƏ ÇOX XAİN...
7 mindən çox rieltor var, ancaq nə işi bilirlər, nə də vergi verirlər - Sertifikasiyaya cəlb olunacaqlar?
Bakıda 46 ilin müəlliminə səbəb göstərmədən “sabahdan işə gəlmə” deyiblər - GİLEY
Vəkillər Kollegiyasının üzvü Elmir Murquzov ilə müsahibə
"Azercell" Ağdamda keçirilən ilk beynəlxalq elmi-praktik konfransı internet xidmətləri ilə təmin edib
Azərbaycan ət idxalını niyə artırıb? – "Dəstək artdıqca, korrupsiya da artır"
Daxili işlər orqanlarında yeni TƏYİNAT - ƏMR
“Bilmirik. Bu virus bizi çox aldadıb...” - Entoni Fauçi
Ağdaşda 1 tona yaxın çətənə kolu məhv edilib
Prokurorluq adam öldürməyə cəhdlə bağlı məlumat yayıb - TƏFƏRRÜAT
Araik Qarabağda sement zavodu acdı... - BİZ İSƏ SEYR EDİRİK...
Bu gündən SOCAR-ın yeni istiqrazlarına abunə yazılışı başlayır - Diqqət!
"Əlbəttə, biz neft ölkəsi olmağımız gerçəyini unutmamalıyıq" - deputat
"Hətta Qarabağ müharibəsindəki zəfər Azərbaycan-Türkiyə- Pakistan bayraqları ilə qeyd edildi..." - İtaliyalı analitik Bakı-Ankara-İslamabad ittifaqı haqda