Keçmiş hakimin yarım milyonluq dələduzluğu - Axundu da işə qatıb

Tarix:10-09-2021, 20:38 Baxış Sayı:55 Kateqoriya:gundem / cemiyyet

Keçmiş hakimin yarım milyonluq dələduzluğu - Axundu da işə qatıb

Külli miqdarda dələduzluq etməkdə təqsirləndirilən sabiq məhkəmə hakimi Lətif Nəbiyevin cinayət işi ilə bağlı detallar müəyyən olub.

“Qafqazinfo” xəbər verir ki, keçmiş hakim həm torpaq alqı-satqısında, həm də şərikli iş görmək adı ilə iki nəfərə qarşı 307 min dollardan çox dələduzluq edib.

O, zərərçəkmiş Azad İbrahimovdan 247 400 dollar alıb. L.Nəbiyev Türkiyədə yaşayan qohumu A.İbrahimovdan əvvəlcə 13 400 dollar alaraq ona sərfəli qiymətə torpaq sahəsi alacağına dair vəd verib. Bir müddət sonra Azadı Xətai rayonuna apararaq orada 7 sot boş ərazini göstərib, həmin torpaq sahəsini Azad üçün aldığını deyib.

Onun etibarını qazandıqdan sonra L.Nəbiyev Bakının gözəl sanatoriya yerlərindən birində, dəniz kənarında 120 sot torpaq sahəsi tapdığını, həmin torpağın dəyərinin əslində 500 min dollar olduğunu, lakin hakimlik nüfuzundan istifadə edərək torpağı 240 min dollara ala biləcəyini deyib.

Azad isə Lətifin sözlərinə inanaraq, ona 234 min dollar verib. Lətif Azadı inandırıb ki, dəniz kənarındakı həmin ərazidə istirahət mərkəzi tikərək böyük biznes qura bilər.

Azad torpağın sənədini istəyəndə Lətif Nəbiyev ona iki fərqli adamın adına ümumilikdə 100 sot olmaqla Pirşağı bələdiyyəsindən verilmiş 10 illik icarə müqaviləsi verib.

Sabiq hakim qohumuna deyib ki, Azərbaycandakı qayda-qanuna əsasən, Azad Türkiyədə yaşadığı üçün sənədləşmə birbaşa onun adına aparıla bilmir. Ona görə də torpağı başqalarının adına alıb və daha sonra Azadın adına çıxarış alınacaq.

Lakin Azad məsələdən şübhələndiyi üçün Pirşağı bələdiyyəsinə gedərək əlindəki sənədləri göstərib. Orada məlum olub ki, həmin sənəd sadəcə 10 illik icarə müqaviləsidir və icarə müddəti bitəndən sonra ərazi dövlətin balansına keçəcək.

Bundan sonra keçmiş hakim zənglərə cavab verməyib və aldığı pulları geri qaytarmayıb.

Digər zərərçəkmiş Rüstəm Abdullayev isə Lətif Nəbiyevə şərikli iş görmək adı ilə ona 59 700 dollar verib. Lətif Rüstəmə Ucar və Kürdəmirdə qaz, İsmayıllıda isə su və kanalizasiya xətlərinin çəkilişi ilə bağlı iş gördüyünü və yaxşı qazanc olduğunu deyib. Sərmayə yatırdığı halda onun xeyir götürəcəyi vədini verib. Lakin vəd olunan qazanc Rüstəmə ödənilməyib.

L.Nəbiyev ifadəsində Azada heç bir borcu olmadığını, Rüstəmdən aldığı məbləğin isə bir hissəsini geri qaytardığını deyib. Keçmiş hakim bildirib ki, o, Azaddan aldığı 234 min dolları Azadın qardaşı Abbasa verib.

Abbas isə həmin pulu torpağı satan Pirşağı məscidinin axundu Əliyulla Məmmədova verib. Daha sonra Abbas vəfat edib.

İstintaq zamanı dindirilən axund Ə.Məmmədov bildirib ki, qeyd edilən ərazinin qonşuluğunda onun öz həyətyanı ərazisi var. Lətif Nəbiyevin dediyi 120 sotluq ərazi ona məxsus deyil. Hətta dələduzluğu üzə çıxandan sonra Lətif axundun yanına gələrək “bu günlərdə səni “Bandotdel”ə ifadə vermək üçün dəvət edəcəklər, sən həmin idarədə olarkən ifadə verərsən ki, guya torpaq sahəsini mənə sən satmısan. Heç olmazsa ifadə ver ki, guya torpaq sahəsini Abbasa satmısan, onsuz da Abbas ölüb, heç kim bunu müəyyən edə bilməyəcək. Azad da heç nə edə bilməyəcək, məsələ də bağlanıb gedəcək” deyib. Lakin axund bunu qəbul etməyib.

Qeyd edək ki, cinayət işi üzrə Bakı Ağır Cinayətlər Məhkəməsində istintaq yekunlaşıb. Lətif Nəbiyev CM-nin 178.3.2-ci (dələduzluq, külli miqdarda ziyan vurmaqda) 310-cu (Vəzifəli şəxsin səlahiyyətlərini mənimsəmə) maddələri ilə ittiham olunur.

Xatırladaq ki, Lətif Nəbiyev 2000-2007-ci illərdə Bakı Apellyasiya Məhkəməsinin, 2007-2008-ci illərdə isə Suraxanı Rayon Məhkəməsinin hakimi olub. 24 aprel 2008-ci ildə Məhkəmə-Hüquq Şurasının qərarı ilə statusundan və vəzifə səlahiyyətlərindən istifadə etməklə korrupsiya hüquqpozmasına yol verdiyinə görə səlahiyyətlərinə xitam verilib. Daha sonra Prezidentin sərəncamı ilə vaxtından əvvəl hakimlikdən azad olunub.

SON XƏBƏRLƏR
Zəlimxan Yaqubun prokuror oğlu “Bu yaşıl ağacın altı bizimdir” mahnısından danışdı - "...bəstəkarlarla işləyən şair deyildi"
"Yüksək vəzifəli məmurlar öz işlərini görsə, pandemiyadan tez çıxarıq" - deputat
Sakinlər "Sahil-S İnşaat” MTK-nın rəhbərini vergidən yayınmaqda ittiham edir - NARAZILIQ!
Peyvəndin alternativi niyə bu qədər maraq doğurur? - “Radikal qruplar xüsusi adamlar tuturlar ki…”
Qəzalı yataqxana sakinləri: - “Hər gün təhlükədəyik”
Ermənistanın indiki rəhbəri sələfləri kimi “ikili” oyun oynayır... - FAKT BUDUR!
“Azərbaycan artıq şirin quyruğunu kəsib” - HƏQİQƏTƏN DƏ...
“Doing Business”adı altında saxtakarlıq: niyə hədəfdə Azərbaycan olub? - HƏQİQƏTƏN DƏ...
Gəncə İnzibati Məhkəməsi hərbçi Rasim Cəfərovla bağlı hansı - QƏRARI VERƏCƏK?
“30 il ərzində erməni lobbisinin fəaliyyəti nəticə verməyibsə, indiki vəziyyətdə...” - NƏ BAŞ VERİR?
"Azərpoçt"da yeni şöbə yaradılıb, mudir təyin olunub - Dəyişiklik
Moskva Krım məsələsində Ankaradan güzəşt gözləyirdi - ekspert
Şirvanın icra başçısı növbəti dəfə Vətən müharibəsi şəhidlərinin ailələrini ziyarət edib
"Brent" neftinin qiyməti 75 dolları ötüb
Şəhid ailəsi Şəkidə üzləşdiyi problemlə bağlı Prezidentdən hələ də kömək istəyir – Bəs İcra başçısı hara baxır?
Paşinyan 7 milyon dollara "Peqas" gizli telefon dinləmə sistemi aldı... - Ermənistan KİV
Amilinin ardından indi də sapı özümüzdən olan deputat ÜSTÜMÜZƏ HÜRDÜ - NƏ ÇOX XAİN...
7 mindən çox rieltor var, ancaq nə işi bilirlər, nə də vergi verirlər - Sertifikasiyaya cəlb olunacaqlar?
Bakıda 46 ilin müəlliminə səbəb göstərmədən “sabahdan işə gəlmə” deyiblər - GİLEY
Vəkillər Kollegiyasının üzvü Elmir Murquzov ilə müsahibə
"Azercell" Ağdamda keçirilən ilk beynəlxalq elmi-praktik konfransı internet xidmətləri ilə təmin edib
Azərbaycan ət idxalını niyə artırıb? – "Dəstək artdıqca, korrupsiya da artır"
Daxili işlər orqanlarında yeni TƏYİNAT - ƏMR
“Bilmirik. Bu virus bizi çox aldadıb...” - Entoni Fauçi
Ağdaşda 1 tona yaxın çətənə kolu məhv edilib
Prokurorluq adam öldürməyə cəhdlə bağlı məlumat yayıb - TƏFƏRRÜAT
Araik Qarabağda sement zavodu acdı... - BİZ İSƏ SEYR EDİRİK...
Bu gündən SOCAR-ın yeni istiqrazlarına abunə yazılışı başlayır - Diqqət!
"Əlbəttə, biz neft ölkəsi olmağımız gerçəyini unutmamalıyıq" - deputat
"Hətta Qarabağ müharibəsindəki zəfər Azərbaycan-Türkiyə- Pakistan bayraqları ilə qeyd edildi..." - İtaliyalı analitik Bakı-Ankara-İslamabad ittifaqı haqda