Əldə olunmuş Qələbə ədalətin təntənəsidir

Tarix:5-07-2021, 08:54 Baxış Sayı:243 Kateqoriya:gundem / cemiyyet

Əldə olunmuş Qələbə ədalətin təntənəsidir

Müasir tariximizin ən şərəfli səhifəsi olan Vətən müharibəsi Azərbaycanın ərazi bütövlüyünün bərpası ilə nəticələndi. Bu müharibədən qalib çıxan xalqımız öz haqqı uğrunda axıra kimi ləyaqətlə, inamla mübarizə apardı. 44 gün davam edən hərbi əməliyyatlarla pozulmuş hüquqlarını bərpa edən Azərbaycan tək Ermənistana deyil, dünya erməniliyinə sarsılmaz zərbə vurdu. Milli Ordumuz 44 günə şanlı tarix yazdı. Başda Ali Baş Komandan İlham Əliyev olmaqla, əsgər və zabitlərimiz döyüş meydanında şücaət göstərərək, düşmənin silahlı qüvvələrinə ağır zərbələr vuraraq torpaqlarımızı işğaldan azad etdi. Ali Baş Komandan əmin idi ki, xalq-dövlət-ordu birliyi işğalda qalan tarixi ərazilərimizi tam azad edəcək və həmin yerlərə sülh, gözəllik gələcək. Möhtərəm Prezidentimiz İlham Əliyevin bu baxımdan dediklərini xatırlayaq: ”Mən deyəndə ki, axıra qədər gedəcəyik, sözümə əməl etdim, o vaxt dayandıq ki, Ermənistan öz alçaldıcı məğlubiyyətini etiraf etdi, diz çökdü, ağ bayraq qaldıraraq təslim oldu.” Bu şanlı Qələbə 30 il ərzində ürəklərində yurd həsrəti, torpaq nisgili gəzdirən qaçqın və köçkün soydaşlarımızın öz dədə-baba ocaqlarına qayıtmalarına şərait yaratdı.
Azərbaycanın gözü, hər birimizin qəlbinin əlçatmaz dərinliyində xüsusi yeri və məhəbbəti olan ecazkar Şuşa bizə həmişə yenilməzlik əfsanəsi kimi görünüb. Ermənistanın Azərbaycana qarşı işğalçı hücumları güclənəndə bizə elə gəlirdi ki, düşmən Şuşanı heç vaxt ala bilməyəcək. Çünki xəyallarımızda bu şəhər sıldırımlı qayalarla əhatə olunmuş elə keçilməz təbii istehkamlar idi ki. düşünürdük ki, bu istehkamları heç bir qüvvə aşıb keçə bilməz. Əsrlər əvvəl Ağa Məhəmməd şah Qacar kimi əzəmətli hökmdar, güclü sərkərdə belə, Şuşanı ala bilməmişdi. Ona görə də 1992-ci ilin 8 mayında xəyanət nəticəsində Şuşanın düşmənə təslim edilməsi həyatımızın böyük faciəsi oldu. Bu qədim şəhərin 28 ildən sonra- 2020-ci ilin 8 noyabr günü Azərbaycan Ordusunun Müzəffər Ali Baş Komandanı İlham Əliyevin qətiyyəti, hünəri, əsgər və zabitlərimizin rəşadəti sayəsində düşməndən geri alınması ömrümüzün ən böyük bayramına çevrildi, qanı kəsilməyən yaralara məlhəm oldu, Şuşa həsrətinə son qoyuldu.
Cənab Prezident, Ali Baş Komandan İlham Əliyev Silahlı Qüvvələr Günü münasibətilə etdiyi çıxışda demişdir: ”Biz Şuşanı işğalçılardan azad edəndən sonra işğalçılar məcbur olub noyabrın 9-dan 10-na keçən gecə kapitulyasiya aktına imza atdılar. İkinci Qarabağ müharibəsi şanlı tarix kimi, şanlı qələbə kimi Azərbaycan tarixinə qızıl hərflərlə əbədi yazıldı. Azərbaycan bundan sonra müzəffər ölkə kimi yaşayacaq, Ermənistan isə bundan sonra məğlub edilmiş ölkə kimi yaşayacaq.”
Noyabrın 10-da Ermənistanın baş nazirinin imzaladığı kapitulyasiya aktından sonra ölkənin hakimiyyət orqanları müharibədəki məğlubiyyəti rəsmən etiraf etdilər. Azərbaycan torpaqlarının bir hissəsini döyüş yolu ilə azad etdi. Kapitulyasiya aktına əsasən, Ermənistan Ağdam, Kəlbəcər və Laçın rayonlarından qoşunlarını çıxarması ilə bağlı öhdəlik götürdü. Artıq bu rayonların hər birində Azərbaycan Bayrağı dalğalanır və onların azad edilməsi Ordumuzun döyüş meydanlarındakı şanlı qələbəsinin nəticəsidir.
Ölkə başçımız İlham Əliyevin yürütdüyü siyasətin nəticəsi olaraq Azərbaycan həm siyasi, həm iqtisadi, həm də hərbi cəhətdən regionun lider dövlətinə çevrilib. Möhtərəm Prezidentimiz öz çıxışlarında dəfələrlə bildirib ki, gücün böyük rol oynadığı müasir dövrdə ordumuz getdikcə daha güclü, daha qüdrətli olmalıdır.
Bu istiqamətdə ölkəmizdə ən zəruri tədbirlər həyata keçirilməkdədir. Qeyd edək ki, Azərbaycanın 2021-ci il dövlət büdcəsindəki hərbi xərclər üçün 4,58 milyard manat və yaxud 2,7 milyard manat ayrılmışdır. Bu, 2020-ci ilin hərbi xərclərindən 782 milyon manat (460 milyon dollar) və ya 20,5% çoxdur. 2020-ci ilin hərbi xərcləri dövlət büdcəsinin ümumi xərclərinin 13,8%-ni təşkil edirdi. 2021-ci ildə isə bu rəqəm 18%-dən bir qədər çoxdur.
Cənab Prezident Silahlı Qüvvələr Günü ilə bağlı tədbirdə vurğulamışdır: ”Ermənistan dərk etməlidir ki, Azərbaycan bundan sonra da güclənəcək. O cümlədən bizim gücümüz artacaq. Müharibədən sonra artıq müvafiq göstərişlər verildi, yeni kontraktlar imzalandı, yeni silahların, texnikanın, müasir texnologiyaların əsasında texnikanın alınması prosesi başlamışdır. Silahlı Qüvvələrimizin, Ordumuzun say tərkibi artırılacaq. İkinci Qarabağ müharibəsinin nəticələrini və gedişatını düzgün təhlil edərək öz hərbi gücümüzü artıracağıq. Ermənistanın isə əgər onlar yenə də bizə qarşı düşmənçilik siyasətindən əl çəkməsələr, nəinki hərbi gücünü, nəinki dağılmış, məhv edilmiş ordusunu bərpa etmək imkanı olmayacaq, eyni zamanda, həm də iqtisadi fəallığı bərpa etmək imkanları çox məhduddur.
XXI əsr türk əsridir və Ali Baş Komandan İlham Əliyev Türk millətinin, Azərbaycan xalqının gücünü, milli ruhunu, qələbə əzmini, “dəmir yumruğu”nu bütün dünyaya nümayiş etdirdi. Regionumuzda, hətta dünyada artıq hər kəs Azərbaycanla münasibətlərində bu “dəmir yumruğ”u nəzərə alacaq. Biz Prezident, Müzəffər Ali Baş Komandan İlham Əliyevlə, rəşadətli Ordumuzla qürur duyuruq.

Əzizağa Məmmədli,
“Qələbə” qəzetinin əməkdaşı

SON XƏBƏRLƏR
Dövlətimizin gənclər siyasəti gələcəyimizin qarantıdır.
Heydər Əliyev və gənclər siyasəti
Ölkəmiz yaşıl enerjinin önəmli təchizatçısına çevrilmək istiqamətində də mühüm addımlar atır.
Yeni qanun siyasi partiyaların fəaliyyətində əhəmiyyətli rol oynayacaq
"Siyasi partiyalar haqqında" yeni Qanun siyasi münasibətlərin sağlam inkişafına mühüm töhfə verəcək
Siyasi partiyalar haqqında yeni Qanunun qəbulunun zərurəti
“Siyasi partiyalar haqqında” yeni Qanun ölkədə mövcud olan siyasi partiyaların daha effektiv fəaliyyəti üçün yeni imkanlar açacaq
Əbu-Dabi Dayanıqlılıq Həftəsi və Meqa enerji layihəsi
Azərbaycanın bərpaolunan enerji proqramı
Bərpaolunan enerji ilə bağlı proqramımız tamamilə fərqli gündəliyə malikdir
Əhəmiyyətli ikitərəfli əməkdaşlıq əlaqələri
Bərpaolunan enerji sahəsində zəngin potensiala sahib olan Azərbaycan bu istiqamətdə reallaşdırdığı layihələrlə öz fəaliyyətini durmadan genişləndirir
Azərbaycan beynəlxalq aləmdə idman ölkəsi kimi tanınır.
Azərbaycanda idmana olan qaygı bu maragı daha da artırır.
Qərbi Azərbaycana qayıdışla bağlı görüləcək işlər dövlətimiz üçün prioritet istiqamətdir.
Qanunsuz deportasiyalara məruz qalmış Qərbi Azərbaycanlılar öz doğma torpaqlarına qayıdacaqlar
Ümummilli Liderin adı ilə bağlı olan həmrəyliyimiz özünün ən yüksək zirvəsindədir
Milli həmrəyliyin Zəfər təntənəsi
Azərbaycanla Serbiya arasında əlaqələrin daha da genişləndirilməsi üçün böyük potensial mövcuddur.
Azərbaycan Avropanın enerji təhlükəsizliyinə böyük töhfə verəcək.
Ulu Öndər Heydər Əliyevin yolu layiqincə davam etdirilir.
Azərbaycan Prezident İlham Əliyevin rəhbərliyi ilə daim inkişaf edəcək və insanların firavan həyatı təmin olunacaq
“Böyük Qayıdış” proqramının strateji hədəfləri işğaldan azad olunmuş ərazilərdə ən yüksək həyatı təmin etməkdir
Prezident İlham Əliyevin həyata keçirdiyi islahatlar Azərbaycanın dayanaqlı inkişafının əsasıdır
Dövlət siyasətinin müasir modeli
Prezident İlham Əliyev - müasir demokratik siyasi lider obrazı
Prezident cənab İlham Əliyevin rəhbərlik etdiyi Azərbaycan bu gün dünyanın siyasi sistemində özünəməxsus yeri ilə seçilir
Prezident İlham Əliyevin effektiv diplomatiyası və nümayiş etdirdiyi siyasi iradə nəticəsində Zəngəzur dəhlizi reallığa çevrilir
Ermənistan ekoloji terror siyasətini dayandırmalıdır!
Dövlət Proqramı Böyük Qayıdışı yaxınlaşdırır