“AZVİRT” MMC şefinin qardaşından ÖZBAŞINALIQ... - Nazirə müraciət olundu

Tarix:25-06-2022, 20:38 Baxış Sayı:92 Kateqoriya:cemiyyet

Bakı şəhəri, Səbail rayonu, T.Əliyarbəyov küçəsi 3-də yerləşən qapı 4, qapı 5 və qapı 6 ünvanlarındakı qeyri-yaşayış sahəsinin icarəçilərinə obyektdən istifadə etməyə icazə verilmir. DİA.AZ xəbər verir ki, bununla əlaqədar icarəçi İsgəndərov Nahid Əfqan oğlu “AzPolitika.info” saytı vasitəsilə Ədliyyə naziri, Məhkəmə Hüquq Şurasının sədri Fikrət Məmmədova müraciət edib.

Nahid İsgəndərovun müraciətində bildirilir ki, əmlakın mülkiyyətçisi olduğunu iddia edən şəxslər onun icarəyə götürdüyü obyektdən istifadə etməsinə sözün əsl mənasında maneçilik törədirlər. Onun sözlərinə görə, müqaviləsinin olmasına və icarə haqlarını vaxtı-vaxtında ödəməsinə baxmayaraq, obyektdən istifadəsinə imkan verilmir.

Nahid İsgəndərov bildirir ki, o, 2020-ci il fevral ayında “AZVİRT” MMC-nin direktoru Kamil Əliyevin qardaşı Əliyev Elnur Əli oğlu ilə icarə müqaviləsi bağlayaraq ona məxsus qeyri-yaşayış sahəsini aylıq 20.000 manata 2 illik icarəyə götürüb. Sonra 270.000 manata qədər pul xərcləyərək öz vəsaiti hesabına obyekti əsaslı təmir edib və hazır vəziyyətə gətirib.

“Bir müddət bundan əvvəl isə Elnur Əliyev həmin obyekti özü istifadə etmək istədiyini bildirərək bizi oradan çıxarmaq istədi. Biz isə haqlı olaraq çəkdiyimiz təmir xərclərini və müqavilə müddəalarını əsas gətirdik. Lakin Elnur Əliyev davamlı olaraq obyektimizin iş fəaliyyətini pozmağa, müştəriləri narahat etməyə, işçi heyəti ilə problemlər yaratmağa və ən əsası hər gün davamlı olaraq obyektdən çıxmağımızı tələb etməyə başladı. Həmin bu hərəkətlər mütəmadi xarakter aldığından icarəçi kimi məhkəməyə müraciət etdik. Həmin işə hazırda Səbail rayon Məhkəməsində baxılmaqdadır” – deyə, müraciətdə bildirilir.

Nahid İsgəndərov daha sonra qeyd edir ki, may ayının 24-də hüquq ictimaiyyətində analoqu olmayan bir qərardadla onun icarəyə götürdüyü obyektə girişi qadağan edilib: “Belə ki, iş üzrə yeni bir tərəf kimi Elnur Əliyevin qaynanası Lətifə Abdullayeva adlı şəxs prosesə qoşularaq guya icarəçi kimi mənim illərdir ona icarə haqqı ödəmədiyimi deyib. Buna görə də, icarəçinin obyektdən çıxarılmasını tələb edib. Daha sonra müvəqqəti təmin tədbiri barədə ərizə ilə məhkəməyə müraciət edərək mənim və başqalarının həmin obyektdən istifadə etməsinə qadağa qoyulmasını tələb edib. Səbail rayon Məhkəməsində hakim Şahin Abdullayevin sədrliyi ilə keçirilən prosesdə əsassız qərardad qəbul edərək ərizəni təmin edib. Hətta dərhal da icraya yönləndirib. Sözsüz ki, bu prosedurda “Bakı Hüquq Mərkəzi” MMC-nin və Elnur Əliyevin “şəxsi əlaqə” lərinin də öz rolu olub.

Bunun ardınca isə öz hüququmuzdan istifadə edərək həmin qərardaddan şikayət verdik. Bakı Apellyasiya Məhkəməsinin hakimi Namiq Cəfərovun 17.06.2022-ci il tarixli qərarı ilə əsassız Səbail rayon Məhkəməsi qərardadı ləğv olundu. Buna baxmayaraq 25 günə yaxın müddət ərzində obyekt möhür altında bağlı saxlanıldı. Obyektin yenidən açılmağına sevinə bilməmiş daha bir qanunsuz qərardadla rastlaşdıq.

Belə ki, bu dəfə obyekt ilə heç bir əlaqəsi və bağlılığı olmayan Elvin Qasımovu məhkəməyə verən Lətifə Abdullayeva və Elnur Əliyev 24.06.2022-ci il tarixli qərardadın (hakim İlkin Rüstəmli) çıxarılmasına nail oldular. Həmin qərardadla isə obyektdən istifadə Elvin Qasımova və “başqa” şəxslərə qadağan edilmişdir.

Belə bir qərar hüquq cameəsində anoloqu olmayan bir hüquqi akt sayıla bilər. Belə ki, bu proseslə heç bir əlaqəsi olmayan bir vətəndaşa obyektdən istifadə qadağan edilir. Bu yolla obyektə dair icarə müqaviləsi bağlamış digər vətəndaşa müqavilə üzrə əldə etdiyi hüquqdan istifadə rəsmi icarəçiyə qadağan edilir”.

Nahid İsgəndərovun sözlərinə görə, işin maraqlı tərəfi ondan ibarətdir ki, ona münasibətdə çıxarılmış tamamilə eyni məzmunlu qərardad Bakı Apellyasiya Məhkəməsi tərəfindən ləğv olunmuşdu.

“Başıma gətirilən hüquqa zidd müsibəti qısa olaraq izah etməli olsaq, bir qərardadla mənə obyektdən istifadə qadağan edilir. Həmin qərardad Apellyasiya Məhkəməsində ləğv olunur. Daha sonra isə yeni bir qərardad ilə guya şərik olan Elvin Qasımova və “başqa” şəxslərə, (yəni mənə də) obyektdən istifadə qadağan edilir.

Olduqca maraqlı və bir o qədər də absurd olan hazırki qərardadla müqavilə bağlayaraq icarə haqqı ödəyib obyektdən istifadə edən icarəçiyə obyektdən istifadə qadağan edilməkdədir. Hazırda isə obyektin qapısına möhür vurulmuş və bağlatdırılmışdır. Müraciətimə çıxarılmış məhkəmə qərardadlarını da əlavə edirəm. Bir faktı da qeyd edim ki, yuxarı məhkəmə instansiyasının qərarı daha aşağı məhkəmə instansiyaları üçün məcburi xarakter daşıyır. Görünür, Səbail rayon Məhkəməsi qanunun tələbindən yayınmaq üçün anoloqu olmayan qeyri-hüquqi yol kəşf edib. Bir sözlə, iş üzrə əsl icarəçiyə qadağa tətbiq edilməsi mümkün olmadıqda, iş ilə hər hansı əlaqəsi olmayan bir şəxsi cavabdeh kimi cəlb edib qadağaları onun üzərindən tətbiq edirlər. Bu hüquqa zidd üsulu da Səbail rayon Məhkəməsi təmtəraqlı formada öz qərardadları ilə təsdiq edir” – deyə, müraciətdə bildirilir.

Nahid İsgəndərov onu da qeyd edir ki, hazırda bir icarədar və sahibkar kimi onun konstitusion hüquqları pozulur: “İcarəsini ödədiyim obyektdən istifadəsi qadağan olunur. Həmçinin həmin obyektin 50-dən çox işçisi vardır. Obyektin bu qədər uzun müddət bağlı saxlanılması həmin işçilərin maddi təminatlarını da mümkünsüz edir. Elnur Əliyev bizə onların müdafiəçilərinin arxasının güclü olduğunu, bizim heç vaxt uğur qazana bilməyəcəyimizi ifadə edir.

Hörmətli Fikrət müəllim! Məhkəmə Hüquq Şurasının sədri kimi Sizlərə bu ədalətsizliyin qarşısını ala bilməyiniz ümidi ilə müraciət edirik. Ümid edirik, müraciətimizi nəzərə alacaqsınız”.

Məsələ ilə bağlı qarşı tərəfin də mövqeyini dərc etdirməyə hazırıq.

SON XƏBƏRLƏR
Daha bir «tender çempionu» tapıldı: - «Xəzər İnşaat KO» MMC hansı tenderləri udur?
“Siyahıda olmayan sənəd tələb edildi deyə, transfer hüququm məhdudlaşdı” - GİLEY
Coğrafiya İnstitutu Kəlbəcərdə baş vermiş təbiət hadisəsinə aydınlıq gətirib
Azay Quliyevlə bağlı SENSASİON FAKTLAR - Bir milyon manatlıq MAXİNASİYA
Kilosu 4 manata olan kolbasalar... - AQTA buna niyə göz yumur?
Zabuxdakı ermənilərdən yeni hoqqa: `Kənd alternativ dəhlizə salınsın!..` - BU NƏDİ BELƏ?
Həbs edilən `Broker Əbülfəs"in həyat yoldaşı ERMƏNİDİRMİ? - İddia var, inkar yoxdur...
"Mehdinin nökərləri" İrana müxalifdirsə... - GƏLİŞMƏ
Məktəbəhazırlıq qrupları üçün məktəb seçimi başlayır - Diqqət!
Anzovun qəhrəman oğulları
Şuşada Bülbülün ev muzeyinin həyətində Diaspor Gənclərinin III Yay Düşərgəsinin iştirakçıları ilə görüşən mədəniyyət və incəsənət xadimləri təəssüratlarını bölüşüblər.
"Ukraynadakı müharibədə 75 min Rusiya vətəndaşı ölüb və yaralanıb" - Konqresmen
Nazirin etiraz yaradan çıxışı: İstirahətsiz məktəb - BU NƏDİ BELƏ?
"Necə söz təxribatları olurdusa onu bir Allah bilir, bir də mən özüm"
"Moskva ilə yanaşı, İranın da Azərbaycanda təsir dairəsi var" - Etibar Məmmədov
Qarabağda Azərbaycandan başqa kimsənin bayrağı DALĞALANA BİLMƏZ - HEÇ RUSLARIN DA...
“Qarabağ ərazisində silahlı ermənilərin olması təxribat mənbəyidir” - Korotçenko
"Azərbaycan Ordusu təxribatın qarşısını alıb" - Prezident İlham Əliyev
"Arayış veriblər ki, guya camaatın bütün pulları ödənilib..." - Aldanmış əmanətçilər...
“ASCO Logistics” MMC-nin direktoru vəzifəsindən azad edilib - ƏMR
Laçın dəhlizində əməliyyat gedir? - MN rəsmisindən AÇIQLAMA
Azərbaycanda daha 512 nəfər COVID-19-a yoluxub, vəfat edən yoxdur
Goranboyda iki dəfə qaçırılan 17 yaşlı qızın valideynləri danışdı: - “Geri qayıtmaq istəmir”
Okeanın o tayından ifraz olunan təhlükəli QARABAĞ SSENARİSİ - Ağ Evin QARA FİKİRLƏRİ...
 Ermənistan itkin düşən hərbçimizi təhvil verdi - TƏFƏRRÜAT
“Azərbaycan öz ərazisində antiterror əməliyyatları keçirəcək” - Başqa yolu YOXDUR!
İranın Cənubi Qafqaz PLANI... - Ekspert danışır
"Əksər partiyaların üzvləri işsizdir"
Ucarda yabanı halda bitmiş çətənə bitkiləri məhv edildi
Azərbaycanda yeni BOKT yaradılıb